Այն ժամանակ, երբ ողջ աշխարհը նշում է «Տիտանիկի» խորտակման հարյուրամյա տարելիցը, հազարավոր մարդիկ համացանցում քննարկում են այդ ողբերգությունը:
Daily Mail-ը գրում է, որ այս իրադարձությունը, սակայն, շատերի համար կարևոր է եղել բացահայտումների տեսանկյունից:
Twitter սոցիալական ցանցում մեծ թվով մարդիկ խոստովանել են, որ երբեք չեն իմացել, որ «Տիտանիկն» իրական նավ է եղել:
«Տիտանիկի» ողբերգության իրական լինելուց անտեղյակ օգտատերերը բարկության ալիք են բարձրացրել, և հարյուրավոր մարդիկ քննադատում են նրանց՝ անտարբերության համար:
«Տիտանիկ» նավը խորտակվել էր 1912 թվականի ապրիլի 15-ին՝ սառցաբեկորին բախվելու հետևանքով: Սակայն, ըստ երևույթին, երիտասարդ սերնդի համար այս դեպքը հայտնի է միայն ֆիլմի միջոցով, որտեղ գլխավոր դերերում դերասաններ են՝ Քեյթ Ուինսլեթն ու Լեոնարդո Դիկապրիոն: Բայց, այնուամենայնիվ, անգամ ֆիլմը դիտող երիտասարդներից շատերը չեն կարողացել հասկանալ, որ այն հիմնված է իրական նավաբեկության պատմության վրա:
