Այս ձմռանը Հայաստանի ապագայով մտահոգ մի խումբ երիտասարներ կազմակերպել էին ակցիա` ընդդեմ ընտրակաշառքի: Նրանք նախագահի նստավայրի կողքին, Ազգային ժողովի, ինչպես նաև ԿԸՀ-ի շենքերի դիմաց ձյան վրա կարմիր գույնի ներկով «5000 դրամ» գրառում էին կատարել:
Այս թեման հատկապես արդիական է դառնում այսօր` խորհրդարանական ընտրությունների նախօրեին, երբ իշխանական անխտիր բոլոր կուսակցությունները տարբեր ձևերով փորձում են քվեներ գնել:
«Չենք լռելու» երիտասարդական նախաձեռնությունը կոչ է անում անհատ երիտասարդներին և խմբերին` հետևել ձմռանն անցկացրած ակցիայի օրինակին և փորձել զանազան կրեատիվ միջոցներով հասարակության շրջանում քարոզել քվեները վաճառելու ամոթալիությունն ու վտանգը` այս իշխանությունների պատճառով անդունդը գլորվող մեր Հայաստանի համար:
