«Մուսուլման եղբայրներ»-ը կիրակի օրը հայտնել է, որ կպայքարեն իրենց թեկնածուի` նախագահական ընտրություններին մասնակցելու իրավունքի համար:
Ինչպես հաղորդում է USA Today-ը, «Մուսուլման եղբայրներ»-ի ներկայացուցիչ Գեհադ Էլ-Հադադն ասել է. «Մենք դա չենք ընդունում, մենք դա կփոխենք»:
Հիշեցնենք, որ նախագահական 10 թեկնածուների արգելվել էր մասնակցել երկրի նախագահական ընտրություններին: Որոշումը կայացվել է շաբաթ օրը` Կենտրոնական ընտրական հանձնաժողովի կողմից: Նախագահական ընտրությունների մրցավազքը հավանաբար կսկսվի մայիսին:
Ընտրություններին մասնակցելու իրավունքից զրկված 10 թեկնածուներից երեքը նախընտրական պայքարի առաջատարներից էին:
