ԱԺ պատգամավոր և պատգամավորի ԲՀԿ-ական թեկնածու Մարտուն Գրիգորյանի մամուլի քարտուղար Աղասի Աբրահամյանը հերքում է, որ Գյումրիի քաղաքապետ Վարդան Ղուկասյանի փեսայի սպանության հետևում ԲՀԿ-ն է կանգնած: Այս մասին նա ասաց «Առաջին լրատվական»-ի հետ զրույցում:
«Դեպքը ԲՀԿ հետ բացարձակ կապ չունի, ոչ էլ քաղաքական ենթատեքստ ունի: Ձերբակալված տղայի մասին, որ ասում են ԲՀԿ-ական է, առավել ևս կարկառուն դեմք, իրականությանը չի համապատասխանում: Նա նախ ԲՀԿ-ական չէ, որ հետո էլ կարկառուն լինի կամ չլինի: Ճիշտ է, այդ տղայի հետ կապ կա, ճանաչում ենք, գիտենք, բայց ընդամենն այդքանը»,- նշեց Աղասի Աբրահամյանը:
Հիշեցնենք, որ հինգշաբթի օրը սեփական ավտոմեքենայի մեջ սպանվել էր Գյումրիի քաղաքապետ Վարդան Ղուկասյանի դստեր նշանածը` 1985թ. ծնված Կարեն Եսայանը, որը հայտնաբերվել էր Mercedes-Benz մակնիշի 16 OL 850 պետհամարանիշով իրեն պատկանող ավտոմեքենայի մեջ:
