Google ընկերությունը պատրաստվում է բացել Google Offers կայքը, որը հայտնի կանադական Groupon կայքի նման խմբակային զեղչեր է տրամադրում դրա համար դիմած օգտատերերին:
Սկզբունքը շատ պարզ է: Կոնկրետ առաջարկվող ապրանքի համար նախատեսված զեղչը աշխատում է միայն այն պահին, եթե դրա համար առաջարկով դիմի ընկերության կողմից նախապես սահմանված մարդկանց քանակ: Այսինք` եթե դուք դիմում եք «X» ապրանքի համար, որի համար այդ ընկերությունն առաջարկում է 25% զեղչ, ապա այդ տոկոսով զեղչ կտրամադրվի միայն այն դեպքում, եթե, ասենք, դրա համար դիմեն 25,000 մարդ, որը ապրանքն առաջարկող ընկերության պահանջն է:
Այս սզբունքը շատ արագ ընդունելության արժանացավ Կանադայում և Միացյալ Նահանգներում, և Groupon ընկերությունը դարձավ ինտերնետի հսկաների համար նշանակետ: Այն բանից հետո, երբ Google-ին չհաջողվեց գնել այն, ընկերությունը որոշեց ստեղծել սեփական նմանօրինակ կայքը: Այս կայքի առավելությունն այն է, որ եթե օգտատերը ցանկանում է գնել տվյալ ապրանքը, իսկ անհրաժեշտ քանակությամբ մարդիկ չեն գրանցվել այդ ապրանքի համար, ապա օգտատերն ինքն է սկսում տվյալ ապրանքն առաջարկել իր ծանոթներին և ընկերներին` դրանով և՛ գովազդելով այդ ընկերությունը, և՛ նպաստելով տվյալ ապրանքի վաճառքին:
Այս մասին հաղորդում է Mashable կայքը:
