Իսրայելը միջոցներ է ձեռք առնում հարյուրավոր պաղեստինամետ ակտիվիստների, որոնք կիրակի փորձել են այցելել Հորդանանի Արևմտյան ափ, ներհոսքը կասեցնելու համար:
Ինչպես հաղորդում է իսրայելական ոստիկանությունը, «Բեն-Գուրիոն» օդանավակայան ժամանածներին ստուգելու են ըստ ցուցակների և թողնելու են Իսրայել միայն նրանց, ովքեր հակաիսրայելական գործունեության մեջ ներգրավված չեն եղել: Անձինք, ովքեր մտնում են կառավարության կողմից կազմված ցուցակի մեջ, կհեռացվեն երկրից:
Որոշ եվրոպական ավիաընկերություններ հայտարարել են, որ հրաժարվում են իսրայելական կառավարության կողմից փոխանցած ցուցակի անձանց վերցնել Թել Ավիվ ուղևորվող ինքնաթիռներ:
Իսրայելի վարչապետ Բենիամին Նեթանյահուի խոսքերով` պաղեստինամետ ուժերը կարող են իրենց ուշադրությունը կենտրոնացնել տարածաշրջանի այլ երկրներում մարդու իրավունքների խախտումների վրա:
