Ապրիլի 15-ի առավոտյան ոստիկանությունը խոչընդոտել է «Բարի գալուստ, Պաղեստին» շարժման «Ավիանավատորմ» ակցիայի հարյուրավոր ակտիվիստներին Ժնևում ինքնաթիռ նստել և մեկնել Թել Ավիվ: Այդ մասին France-Presse գործակալությանը հայտնել է շարժման մամլո քարտուղար Անախ Մոհամեդը: Նա մանրամասնել է, որ նույնիսկ ակտիվիստներից մեկից անձնագիրն են առգրավել:
Ավելի վաղ Lufthansa, Air France, Jet2.com ավիաընկերությունները չեղյալ էին համարել պաղեստինամետ ակտիվիստների տոմսերը: The Guardian, Jet2.com-ի տվյալներով՝ Մեծ Բրիտանիայից թույլ չեն տվել դուրս գալ երեք կանանց:
Թե որ ընկերության ինքնաթիռով են ակտիվիստները մտադիր եղել Ժնևից մեկնել Պաղեստին` դեռ հայտնի չէ:
Փարիզյան Շարլ դը Գոլ օդանավակայանում տասնյակ ակտիվիստներ, որոնց տոմսերը ևս չեղյալ են հայտարարվել, մոտեցել են ավիաընկերության ներկայացուցչին և պահանջել են գրավոր բացատրագիր:
«Ավիանավատորմը»,, որը բաղկացած է եվրոպական ակտիվիստներից Իսրայել պետք է գար և սկսեր իր առաքելությունը Բեթխեհեմում ապրիլի 15-ից: Ինչպես հաղորդում է AFP-ը, Իսրայելն ուժեղացրել է իր անվտանգության ծառայությունը Թել Ավիվի օդանավակայանում:
Շաբաթ` ապրիլի 14-ին Իսրայելի վարչապետ Բենիամին Նեթանյահուն խորհուրդ էր տվել ակտիվիստներին զբաղվել Մերձավոր Արևելքում, մասնավորապես` Սիրիայում և Իրանում «իրական խնդիրների» լուծմամբ:
«Ավիանավատորմն» այսպես է կոչվել «Ազատության նավատորմի» նմանությամբ։ Վերջինիս ներկայացուցիչներին չի հաջողվել մուտք գործել Գազայի հատված:
