Մակեդոնիայի Հանրապետության ՆԳՆ ղեկավար Գորդանա Յանկուլոսկան այսօր նախազգուշացրել է ազգային հողի վրա նոր հակամարտության վտանգի մասին, որի պատճառ կարող է դառնալ հինգշաբթի օրը 5 էթնիկ մակեդոնացիների սպանությունը:
«Միանում եմ երկրի քաղաքական առաջնորդների և մեր միջազգային գործընկերների կոչերին` ուղղված Մակեդոնիայի հասարակությանը`պահպանել հանդարտություն և որևէ գործողություն չձեռնարկել, որոնք երկրում ազգային հողի վրա նոր հակամարտություն կհրահրեն»,- հայտարարել է նա:
Հինգ էթնիկ մակեդոնացու սպանել են անհայտ անձինք: Սպանվածներից չորսը եղել են 20 տարեկան, իսկ հինգերորդը`45: Երիտասարդների ձեռքերը կապված են եղել մեջքին, իսկ դիակները դրված են եղել մեկը մյուսի վրա` լքված ավտոմեքենայի մոտ: Հինգերորդ զոհի դին գտնվել է ողբերգության վայրից 100 մետր հեռու. ենթադրվում է, որ նա եղել է սպանության պատահական ականատես:
Սերբիայի ԱԳ նախարար Վուկ Երիմիչը կատարվածի առնչությամբ այսօր նշել է. «Բալկաններում այդ կարգի միջադեպերը հեշտությամբ կարող են վերածվել ավելի լուրջ ինչ-որ բանի»:
