Հայ ազգային կոնգրեսի առաջնորդ Լևոն Տեր-Պետրոսյանը պատրաստ է ստորագրել ցանկացած փաստաթուղթ, որը ազատ ու արդար ընտրությունների անցկացում կապահովի: Այսօր կայացած մամլո ասուլիսի ժամանակ ասաց ՀԱԿ ներկայացուցիչ Վահագն Խաչատրյանը՝ անդրադառնալով ընտրությունների հանրային վերահսկման միասնական շտաբի կազմավորման թեմային:
«Հինգ տարվա դժբախտությունների ու անհաջողությունների համար ողջ պատասխանատվությունը ՀՀԿ վրա է: Գործող կոալիցիան պատասխանատու է Հայաստանում այսօր ձևավորված վիճակի համար: Շատ բնական է, որ մենք այս իրավիճակում պետք է գործընկերներ փնտրենք՝ նաև ի դեմս կոալիցիայի անդամ «Բարգավաճ Հայաստան» կուսակցության: Որոշ հարցերում, այո՛, համաձայն ենք նրանց հետ և պատրաստ ենք համագործակցելու: Մեր քայլերի մեջ կեղծավորություն չկա, մենք պահում ենք մեր սկզբունքները: Միաժամանակ միամիտ մարդու տպավորություն թող չթողնենք, բայց նաև չենք կարող բոլորին «ոչ» ասել»,- ասաց նա:
