Լավատեղյակ աղբյուրներից «ժողովուրդ»-ին հայտնի է դարձել, որ հինգշաբթի օրը ՀՀԿ շտաբի պետ Հովիկ Աբրահամյանն ու ՏԿՆ Արմեն Գևորգյանը այցելել են Սևան՝ հանդիպելու ՀՀԿ շտաբի անդամների հետ:
«Այստեղ Աբրահամյանը ՀՀԿ շտաբի պատասխանատու Ալիկ Պողոսյանին՝ Լոբի Ալիկին, հանձնարարել Է. «Ես չգիտեմ՝ ով ինչ, բայց քաղաքական պայմանավորվածություն կա, որ պաշտպանում ենք ԲՀԿ-ի թեկնածուին՝ Էդուարդ Սահակյանին»:
ՀՀԿ-ականների մի մասն անակնկալի է եկել, քանի որ չունենալով մեծամասնական թեկնածու՝ նրանց մի մասն այնտեղ սկսել Էր աշխատել ՕԵԿ-ական Կարեն Բոթոյանի համար:
Իսկ ինչո՞ւ Է Աբրահամյանը դուրս եկել ՕԵԿ-ի դեմ: Քանի որ Կարեն Բոթոյանի «աներ հայրիկը»՝ Սերգեյ Մանուկյանը (Շինանյութի Սերգեյ), գնացել և աջակցություն Է խնդրել Ռուբեն Հայրապետյանից (Նեմեց Ռուբո), ՀՀԿ շտաբի պետը բարկացել Է, քանի որ Աբրահամյանն ու Հայրապետյանը միմյանց հետ չեն խոսում: Եվ եթե Կարեն Բոթոյանը չլիներ Շինանյութի փեսան, գուցե ավելի հեշտ հաղթահարեր ընտրական խոչընդոտները»:
Երբ թերթը փորձել է կուսակցության ներսի վիճակի ու դիրքորոշման մասին հետաքրքրվել ՀՀԿ խոսնակ Էդուարդ Շարմազանովից, վերջինս ասել է, թե այս ամենի մասին թերթից Է լսում, տեղյակ չէ:
«Հիշեցնենք, որ 2007թ. թեև Սերժ Սարգսյանն անձամբ էր հայտարարել, որ ՀՀԿ-ն սատարում է վաղամեռիկ Մելիք Գասպարյանին, այնուամենայնիվ Հովիկ Աբրահամյանը ներքին կարգով սատարում էր ԲՀԿ-ական Հրանտ Մադաթյանին՝ ի վերջո, կարողանալով նրան դարձնել Աժ պատգամավոր»:
