Երեկ Մալաթիա-Սեբաստիա համայնքում, ՀՀԿ հանրահավաքից առաջ, այդ ընտրատարածքում ՀՀԿ-ի կողմից մեծամասնականով առաջադրված Սամվել Ալեքսանյանը մոտեցել է «ՀԺ»-ի լրագրող Հայկ Գևորգյանին ու առաջարկ արել:
«Մեր ախպորն ասա, թող իմ հիմնադրամին մի քիչ փող փոխանցի, էլի»,- բազմաթիվ լրագրողների ներկայությամբ ասել է Ալեքսանյանը: «Մեր ախպեր» ասելով՝ նկատի է ունեցել «Հժ»-ի գլխավոր խմբագիր, նույն ընտրատարածքում առաջադրված Նիկոլ Փաշինյանին:
«Անցած տարի երկու միլիոն փոխանցել ենք, հլը յոլա գնա, մինչև տեսնենք…»,֊ օլիգարխի որդեգրած հումորային արշավին ի պատասխան՝ ասել է Հայկ Գևորգյանը:
«Սամվել Ալեքսանյանը մեկն է այն երեք օլիգարխներից, որոնց հայցի հիման վրա դատարանը վեցուկես միլիոն դրամով տուգանեց «Հժ»-ին: Այդ գումարից երկու միլիոնը Սամվել Ալեքսանյանի փայն էր»,- հավելում է թերթը: