ՄԱԿ-ի և ԱՊԼ–ի հատուկ բանագնաց Քոֆի Անանը պանարաբական կազմակերպության գլխավոր քարտուղար Նաբիլ Ալ-Արաբիին հավաստիացրել է, որ Սիրիայում հակամարտության կողմերը հետևում են հրադադարի պայմաններին, որը ուժի մեջ է մտել հինգշաբթի օրը:
«Իրավիճակն ավելի հանգիստ է, քան եղել է մինչ այդ»,- ասել է Անանը, ում խոսքերը մեջբերում է եգիպտական «Ալ-Ահրամ» թերթը:
Անանը հավելել է, որ ՄԱԿ-ը մտադիր է, որքան հնարավոր է շուտ, դիտորդներ ուղարկել սիրիական տարբեր քաղաքներ՝ իրավիճակի մոնիթորինգի համար:
Հրադադարի ռեժիմի վերաբերյալ համաձայնագիրն ուժի մեջ է մտել տեղական ժամանակով 06.00-ին: Դրանից հետո Սիրիայում նոր բախումներ չեն արձանագրվել:
Նշենք, որ հակակառավարական և կառավարական ուժերի միջև բախումները Սիրիայում արդեն մեկ տարի է, ինչ չեն դադարում: ՄԱԿ-ի տվյալներով՝ դրանց ընթացքում արդեն զոհվել է 9 հազար մարդ
