Ժամանակակից սերիալներն ազդում են դեռահասների սննդակարգի վրա: Բանն այն է, որ սերիալի հերոսները մշտապես օգտագործում են վնասակար սնունդ:
Գերմանացի գիտնական, դիետոլոգ Մառլեն Շոպֆը ուսումնասիրել է 11 ամենահայտնի սերիալներով (այդ թվում «Դոկտոր Հաուսը» և «Սիմփսոնները») «պրոպագանդվող» սննդակարգը Ավստրիայում՝ 12-29 տարեկանների մոտ:
Քաղցրավենիքը, ալկոհոլը և թխվածքաբլիթները, որոնք սիրելի հերոսների կողմից օգտագործվում են, թույլատրելի է, սակայն քիչ քանակով: Դերասաններն առողջ և բարեկազմ են, թեպետև սերիալներում օգտագործում են անառողջ սնունդ. ինչը հակասում է քաշի, առողջության և սննդի միջև կապին: Այդպիսով՝ իրականացվում է ալկոհոլի և քաղցրավենիքի քարոզչություն: Այս մասին տեղեկացնում է rosbalt.ru-ն՝ հղում անելով Kedem-ին:
Սննդի մասին քննարկումներին հատկացվում է հեռուստատեսային ժամանակի 14 տոկոսը, որի առյուծի բաժինն ընկնում է ալկոհոլային խմիչքներին: Մսի օգտագործումը զուգորդվում է տղամարդկանց, իսկ բանջարեղենի ու ալկոհոլի կիրառումը վերաբերում է կանանց մասնակցությամբ սյուժեներին:
Արդյունքում՝ երիտասարդները նախընտրում են իրենց քաղցը հագեցնել քաղցրավենիքով, արագ սննդով (ֆասթ ֆուդով) և գազավորված ըմպելիքներով: Բանջարեղեն և մրգերեր իրենց սննդակարգում կանոնավոր կերպով օգտագործում է երիտասարդների միայն 7 տոկոսը:
Օրեցօր բարդացող իրավիճակը կարգավորելու համար Շոպֆը խորհուրդ է տալիս կիրառել ԱՄՆ-ում վաղուց մշակված ռազմավարությունը, որի համաձայն՝ երիտասարդական սերիալներում և հեռուստահաղորդումներում հերոսների կողմից ընդունվող սննդին վերաբերող հարցերը պետք է խմբագրվեն դիետոլոգի կողմից:
