Ինչպես հայտնում է Tehran Times-ը, ՆԱՏՕ-ի զորքերի զոհված զինվորների թիվը հասել է 600-ի այն բանից հետո, երբ Աֆղանստանի արեւելքում եւս մեկ զինվոր է սպանվել: Զինվորը զոհվել էր երկրի հարավում տեղի ունեցած պայթյունի հետեւանքով: Փոխանցելով France-Presse գործակալության տվյալները` թերթը հայտնում է, որ այդ թիվն արդեն հասել է 600-ի, 2009թ. այն կազմում էր 521 զոհ: 2001թ. ԱՄՆ նախաձեռնած պատերազմում օտարերկրյա զինվորականները տվել են 2170 զոհ:
Թերթի փոխանցմամբ, արեւմտյան հասարակությունն արդեն հոգնել է այս պատերազմից: Դանիական զորամիավորումներն օգոստոսին ավարտեցին իրենց առաքելությունը: Իտալիան ծրագրում է դուրս հանել իր զորքերը 2011թ. վերջին: Կանադան, որը զինվորների քանակով (2830) վեցերորդ զորամիավորումն է, իր զորքերը դուրս է բերելու 2011-ին: Օբաման էլ է հայտարարել, որ ցանկանում է ամերիկյան զորքերի դուրս բերումն իրականացնել 2011թ.: Ամերիկացիները տվել են 1348 զոհ, իսկ ընդհանուր առմամբ Աֆղանստանում 150.000 ամերիկացի զինվորականներ կան: