Մոսկվան կշարունակի ջանքերը ԱՄՆ-ում ձերբակալված ՌԴ քաղաքացիներ Վիկտոր Բուտին և Կոնստանտին Յարոշչենկոյին հայրենիք վերադարձնելու ուղղությամբ: Այսպիսի հայտարարություն է արել Ռուսաստանի արտգործնախարար Սերգեյ Լավրովը:
Ինչպես հաղորդում է RIA Novosti-ն, նրա խոսքերով՝ ինքը ԱՄՆ պետքարուղար Հիլարի Քլինթոնի հետ քննարկել է նրանց ճակատագրերը:
«Մեր մարդկանց ճակատագրերը, ինչ մեղադրանք էլ որ ներկայացված լինի նրանց դեմ, մեզ անհանգստացնում է: Մենք ցանկանում ենք, որպեսզի նրանք գտնվեն Ռուսաստանում»,- ասել է Լավրովը:
Նախարարն ընդգծել է, որ այդ հարցերը պետք է քննարկվեն իրավական դաշտում:
«ՄԵնք հանդիսանում ենք համապատասխան միջազգային կոնվենցիաների անդամ, որոնք թույլ են տալիս ապահովել փոխադարձ գործողություններ փոխադարձ իրավական օգնություն տրամադրելու ոլորտում, կապավինենք դրանց գործունեությանը»,- ասել է Լավրովը՝ հրաժարվելով մանրամասներ հայտնել:
Հիշեցնենք. օրերս ռուս ձեռնարկատեր Վիկտոր Բուտը ԱՄՆ-ում դատապարտվեց 25 տարվա ազատազրկման մի շարք մեղադրանքներով, այդ թվում՝ ահաբեկչական խմբավորումներին զենք մատակարարելու մեղադրանքով:
Օդաչու Կոնստանտին Յարոշչենկոն 20 տարվա ազատազրկման է դատապարտվել թմրանյութերի մաքսանենգության փորձի համար:
