Առնվազն 9 մարդ է մահացել ավտովթարի հետևանքով՝ տեխասյան ոչ մեծ սահմանային քաղաք Փալմվյուում: Վեց մարդ վիրավորվել է: Այս մասին հաղորդում է Associated Press-ը:
Ավտովթարը տեղի է ունեցել ապրիլի 10-ի երեկոյան (տեղական ժամանակով): KGBT-TV-ն հրապարակել է տեսագրություն դեպքի վայրից, ավտովթարի կադրերը հասու են նաև Themonitor.com կայքում: ԶԼՄ-ների տվյալներով` վարորդը կորցրել է մեքենայի վերահսկողությունը, որից հետո այն դուրս է եկել ճանապարհից և մի քանի անգամ շրջվել է:
Ենթադրվում է, որ բոլոր զոհվածները և վիրավորվածներն անօրինական ներգաղթյալներ են: Վթարի վայրից չորս մարդ թաքնվել է, այնուհետև նրանցից երկուսը ձերբակալվել են:
Սահմանային պարեկությունը կանգնեցրել է ավտոմեքենան, որի ուղևորներից մեկը փախուստի է դիմել, ինչից հետո ավտոմեքենան տեղից շարժվել է և մի քանի թաղամաս անցնելով՝ վթարի ենթարկվել: Սահմանային պարեկության ներկայացուցիչը հաղորդել է, որ դեռ տեղեկություններ չկան այն մասին, որ մեքենային հետապնդել են։
Բոլոր 9 զոհվածները տղամարդիկ են: Երեք վնասվածք ստացած կանայք արդեն դուրս են գրվել հիվանդանոցից, նրանցով զբաղվում է ներգաղթյալների հարցերով ծառայությունը, երեք տղամարդ դեռ գտնվում է հիվանդանոցում:
Ֆուրգոնը, նախատեսված է 8 մարդ տեղափոխելու համար` ներառյալ վարորդը, սակայն այնտեղ, ըստ որոշ տվյալների, եղել է 19 կամ 20 մարդ:
