Բրաունովյան համալսարանի գիտնականները ուսումնասիրել են չղջիկների թռիչքի մեխանիկան ու պարզել են, որ նրանք էներգիան խնայում են թևերի ծալվածքի շնորհիվ՝ ամեն վերև թափահարելիս: Չնայած այն բանին, որ թևերը ծալելու համար էներգիա է ծախսվում, ընդհանուր հավասարակշռությունը պահպանվում է:
Աշխատանքի արդյունքները հրապարակված են Proceedings of the Royal Society ամսագրում:
Հետազոտողներն աշխատել են չղջիկների 6 տեսակների հետ, որոնց մարմնի զանգվածը տարբերվել է 40 անգամ:
Նշված կենդանիներին նկարահանել են հատուկ տեսախցիկով, որը նկարում է վայրկյանում 1000 կադր: 27 տարբեր կենդանիների նկարների հիման վրա գիտնականները ստեղծել են թռիչքի կինեմատիկ եռաչափ մոդել:
Ուսումնասիրելով ստեղծված մոդելը՝ գիտնականները գնահատել են շարժման տարբեր էլեմենտների էներգետիկ արժեքը, որ ծախսում են չղջիկները:
Ստացվում է, որ թևերը բացելու և փակելու համար կենդանիները ծախսում են բոլոր իներցիոն ծախսերի 44 տոկոսը, բայց այդուհանդերձ, դա արդյունավետ է, քանի որ թույլ է տալիս գրեթե եռակի կրճատել այդ ծախսերը։
