Երուսաղեմի Հայոց պատրիարքության ներկայացուցիչ Արիս եպիսկոպոս Շիրվանյանն «Առաջին լրատվական»-ի հետ զրույցում, խոսելով պատրիարք Թորգոմ արքեպիսկոպոս Մանուկյանի առողջական վիճակի մասին, նշեց, որ նրա վիճակը շարունակում է մնալ ծանր. «Պատրիարքի վիճակը շատ ծանր է։ Այժմ դուրս է եկել նախաքնից (կոմա), սակայն շարունակում է անգիտակից վիճակում մնալ և չի կարողանում խոսել։ Խոսելու կարողությունը կորցրել է, քանի որ ստացել էր ուղեղային լուրջ վնասվածք։
Այն հարցին, թե երբ կբարելավվի պատրիարքի առողջությունը, Արիս սրբազանը պատասխանեց. «Չենք կարող ասել կապաքինվի, թե՝ ոչ։ Դա միայն Աստված գիտի, բժիշկները ոչինչ ասել չեն կարող»։
Թորգոմ արքեպիսկոպոս Մանուկյանն այժմ դուրս է գրվել հիվանդանոցից և գտնվում է միաբանության հիվանդանոցում, որտեղ նրա մասին շատ լավ հոգ են տանում։
«Նոր ընտրություններ դեռևս չեն լինի, քանի որ չի կարելի։ Պատրիարքին այժմ փոխարիում է Նուրհան արքեպիսկոպոս Մանուկյանը, ով վարում է պատրիարքարանի բոլոր գործերը»,– տեղեկացրեց մեր զրուցակիցը։
