Արձագանքելով քաղաքացիների կողմից բարձրացված այն ահազանգերին, թե Տավուշի մարզի թիվ 40 ընտրատարածքից ընտրված, գործող պատգամավոր Միքայել Վարդանյանն այդ ընտրատարածքի որոշ գյուղերում նվիրատվություն է կազմակերպել և ամեն ընտանիք նվեր է ստացել ապրիլյոթյան տոնական փաթեթ` շոկոլադի մեկ տուփ հավաքածու, շնորհավորական բացիկ կանանց և ԱԺ մայիսվեցյան ընտրություններում թիվ 40 ընտրատարածքում առաջադրված թեկնածու Մարինե Մարաբյանի նախընտրական ծրագիրը, մեր թղթակիցը Տավուշի մարզից, ասաց, որ Միքայել Վարդանյանը նման գործունեությամբ միշտ է զբաղվում:
Նա նշեց, որ կանանց տոնին նվերները Միքայել Վարդանյանի կողմից բացառություն չեն, և չի կարելի դիտարկել որպես քարոզարշավի բարեգործություն: Ըստ նրա` քարոզարշավը սկսվում է ապրլիլի 8-ին, իսկ այդ մարդը կանանց տոնի ամբողջ ընթացքում նման նվերներ է բաժանել կանանց: «Նրա գործունեությունը տարբեր գյուղերում բնական է, և մարդիկ սպասում են այդ աջակցությանը: Ծխախոտագործուհիների մի խումբ կա, որ սպասում են ապրիլի 7-ին տոնական նվերներ ստանալ:
Այս անգամ բաժանվել է նաև ամսագիր, որն ամեն անգամ բաժանվում է, իսկ այս անգամ ամսագիրը հնարավոր է իր կողմից ներկայացված, Grand Tobacco ընկերության գործադիր տնօրեն Մարինե Մարաբյանի նկարով է եղել, ես չեմ տեսել, իսկ ինչ վերաբերում է քարոզարշավին, Միքայել Վարդանյանը մասնակցում է քարոզարշավին, իսկ այդ կնոջը ոչ մեկը չի ճանաչում, և Միքայել Վարդանյանը ստիպված է մասնակցել, որպեսզի իր ներկայացրած անձն անցնի»,- նշեց Տավուշի մարզից լրագրողը`հավելելով, որ ժողովուրդը ցանկանում էր, որ Միքայել Վարդանյանը դառնա պատգամավոր, քանի որ նա լավ պատգամավոր է եղել, այդ տարածքում ժողովուրդը դժգոհ էր, որ նա չի առաջադրվել, դժգոհ էր, թե ինչպես են աշխատելու անծանոթ կնոջ հետ:
