Գերմանացի բժիշկները Ուկրաինայի նախկին վարչապետ Յուլյա Տիմոշենկոյի բուժման հարցով ապրիլի 13-ին կմեկնեն Ուկրաինա` ծանոթանալու Խարկովի «Ուկրժելդորոգի» կլինիկական կենտրոնական հիվանդանոցի պայմաններին: Այս մասին այսօր` ապրիլի 11-ին, լրագրողների հետ հանդիպմանը հայտարարել է Ուկրաինայի արտգործնախարարության տեղեկատվական քաղաքականության դեպարտամենտի տնօրեն Օլեգ Վոլոշինը: Այս մասին հայտնում է ITAR TASS գործակալությունը:
«Գերմանացի բժիշկները բանավոր կերպով տեղեկացրել են ԱԳՆ-ին, որ ապրիլի 13-ին պատրաստ են ժամանել Ուկրաինա ու ծանոթանալ այն կլինիկայի պայմաններին, որտեղ նախատեսված է Տիմոշենկոյի բուժումը»,- ասել է Վոլոշինը:
Նրա խոսքով` առայժմ բժիշկները գրավոր դիմում չեն ներկայացրել, սակայն ուկրաինական կողմը նրանց սպասում է ու պատրաստ է առավելագույնս աջակցել:
Ապրիլի 4-ին Տիմոշենկոյի օգնականը` խորհրդարանական Սերգեյ Վլասենկոն հայտարարել է, որ առողջապահության նախարարությունը առաջարկել է Տիմոշենկոյին բուժել խարկովյան հիվանդանոցում, որը, սակայն, մասնագիտացված չէ ողնաշարի հիվանդությունների բուժման համար:
«Ո° չ նա (Տիմոշենկոն), ո° չ նրա պաշտպանները մասնագետներ չեն բժշկության ոլորտում, դրա համար էլ մենք դիմել ենք գերմանացի բժիշկների օգնությանը, որ գան ու տեսնեն` կարո՞ղ է կլինիկան ապահովել բուժումը: այսինքն` եթե հաստատվի, որ այդ կլինիկան կարող է ապահովել բուժումը, Յուլյա Տիմոշենկոն պատրաստ կլինի անմիջապես սկսել բուժումը»,- ասել է Վլասենկոն:
