ԱՄՆ-ի հիմնական բջջային օպերատորները համաձայնել են գործարք կնքել ԱՄՆ կառավարության հետ` բջջային հեռախոսների տվյալների կենտրոնական բազա ստեղծելու համար: Սրա նպատակը բջջային հեռախոսների գողությունների դեմ պայքարն է:
The Wall Street Journal-ը հաղորդում է, որ տվյալների բազան ստեղծված կլինի այնպես, որ այնտեղ տեղեկություններ կպահպանվեն բոլոր հեռախոսների վերաբերյալ, որոնք գողացվել են և գողության մասին հաղորդվել է համապատասխան մարմիններին: Գաղափարի իմաստն այն է, որ ավելի բարդ կամ անհնար դառնա գողացված հեռախոսն օգտագործելը և վերավաճառելը:
Ներկայումս Verizon Communications և Sprint Nextel ընկերություններն արգելափակում ե հեռախոսները, որոնք համարվում են գողացված, և դրանք այլևս ակտիվացնել հնարավոր չի լինում: AT&T և Deutsche Telekom AG’s T-Mobile USA ընկերությունները նման բան չեն անում: Այս բոլոր չորս ընկերություններն էլ համաձայնել են աջակցել տվյալների նոր բազայի ստեղծմանը:
