Թուրքական Taraf թերթին տված հարցազրույցի ժամանակ քրդական «Խաղաղություն և ժողովրդավարություն» կուսակցության (ԽԺԿ) համանախագահ Սելահաթթին Դեմիրթաշը հայտարարել է, որ Իգդիրից մինչև Հաթայ (Թուրքիայի հարավ) ընկած տարածքները պաշտոնապես ճանաչվելու են «Քրդստան».
«Եթե Իրաքը մասնատվի, ապա այնտեղ կձևավորվի քրդական անկախ պետություն: Սիրիայում կարող է ձևավորվել քրդական ինքնավարություն: Իրանում արդեն իսկ գոյություն ունի Քրդստան նահանգ: Այսպիսի իրավիճակում Իգդիրից մինչև Հաթայ ընկած տարածքը պաշտոնապես պետք է ճանաչվի Քրդստան»:
Դեմիրթաշը հավելել է, որ իրենք ցանկանում են Թուրքիայի ներսում ունենալ քրդական ինքնավարություն: