ՕԵԿ-ից չեն արձագանքել երիտասարդ գիտնականների կոչերին, «Առաջին լրատվական»-ի հետ զրույցում ասաց «Պահանջում ենք գիտության ֆինանսավորման ավելացում» նախաձեռնության համակիր Արթուր Իշխանյանը:
Հարցին՝ «Պահանջում ենք գիտության ֆինանսավորման ավելացում» նախաձեռնությունը մշակե՞լ է մեխանիզմներ գործարարներին դիմելու և օժանդակություն ստանալու նպատակով, նա պատասխանեց, թե մեծ հաճույքով կցանկանային, որ ինչ-որ մեխանիզմներ լինեին գործարարներին դիմելու համար, բայց ոչ մի մեխանիզմ չկա: «Իհարկե ցանկալի է դիմել, անհրաժեշտ ենք համարում, բայց ինչպե՞ս` հայտնի չէ առայժմ: Քաղաքական ուժերին դիմելը հեշտ է, իսկ ինչպե՞ս դիմել գործարարներին»,- նշեց Ա. Իշխանյանը:
Նա նշեց, որ կուսակցությունների զգալի մասը իրենց պահանջն ուղիղ ներառել է իրենց ծրագրերում, և ստացվում է, որ քաղաքական ուժերի հետ ևս անելիք չկա, մնում է միայն, որ այդ քաղաքական ուժերը խորհրդարանում գործեն նորմալ: Արթուր Իշխանյանն ասաց, որ ընտրացուցակներին անձամբ ծանոթ չէ, բայց կան մարդիկ, ովքեր կբարձրաձայնեն խնդիրներ: «Ժառանգությունում են լավատեղյակ այս հարցերից երկու հոգի` Ստեփան Սաֆարյանը և Անահիտ Բախշյանը: ՀԱԿ-ում ծրագրային մաս կա, իսկ ԲՀԿ-ում ` Էնֆիաջյան Վահեն է եղել, որ բարձրաձայնել է, այլ թեկնածուներ ևս կան՝ Խաչիկը Գալստյան: Ծառուկյանն ինքն է ասել, որ կբարձրաձայնեն գիտության ֆինանսավորման ավելացման համար: Ցավոք սրտի, ՕԵԿ-ից ոչ մի արձագանք չի եղել, թեև իրենց դիմումները եղել են: ՀՅԴ-ից Լիլիթ Գալստյանը»,- տեղեկացրեց Ա. Իշխանյանը` հավելելով, որ նաև կցանկանային իրենց դեսպանն ունենալ նոր գումարման խորհրդարանում: Ըստ նրա` ցանկություն է եղել սեփական թեկնածու առաջադրել, բայց երիտասարդը, ում ծրագրել են առաջադրել, չի ցանկացել:
