«Կեղտոտ պարեր» կամ «Dirty Dancing» ֆիլմի նոր տարբերակի սցենարը վստահվել է Բրեդ Ֆալչուկին: Այս մասին հայտնում է lenta.ru-ն՝ հղում անելով Vulture-ին:
Ֆալչուկը «Glee» հեռուստասերիալի համահեղինակն է: Նա այդ նախագծի վրա աշխատել է որպես սցենարիստ և մի քանի դրվագ է բեմադրել: Բացի այդ, Ֆալչուկը մասնակցել է «Մարմնի մասեր», «Սարսափների ամերիկյան պատմությունը» սերիալների նկարահանումներին:
«Կեղտոտ պարեր» ֆիլմը էկրան է բարձրացել 1987 թվականին: Սյուժեն ծավալվում էր մի աղջկա շուրջ, որն իր ծնողների հետ մեկնում է առողջարան և այնտեղ սիրահարվում տեղի պարի դասատուին: Ֆիլմի գլխավոր դերերում հանդես են եկել Ջենիֆեր Գրեյը և Պատրիկ Սուեյզին: BoxOfficeMojo-ի տվյալներով՝ 6 միլիոն դոլար բյուջե ունեցող ֆիլմը վարձույթից 214 միլոն դոլար է հավաքել:
«Կեղտոտ պարերի» վերարտադրման մասին հայտարարվել էր դեռևս 2009-ին: Ֆիլմի նոր տարբերակի նկարահանումները կիրականացնի Lionsgate ընկերությունը: Ռեժիսորի դերը ստանձնել է Քենի Օրտեգան, որը ֆիլմի սկզբնական նկարահանման ժամանակ հանդես էր եկել գեղանկարչի դերով: 2011-ի նոյեմբերին ընկերության ներկայացուցիչները հայտարարել էին, որ ֆիլմի նոր տարբերակը հանրության դատին կներկայացվի 2013-ի հուլիսի 26-ին:
