«Գերի չդառնամ անձնական համակրանքներին՝ այնքան գովեմ Դաշնակցությանը, որպեսզի ուրիշները դրանից հուզվեն, բայց տոտալ մերժվածության պայմաններում ո՞վ մոբիլիզացրեց ուժերը, որպեսզի դուրս գանք ճղճիմ վիճակից, այդ ո՞վ ստեղծեց պետականությունը, այդ ո՞ր կուսակցությունն է, որ գրագիտություն, հայրենասիրություն մտցրեց մեր իրականություն»,- ասաց Վարդան Բոստանջյանը՝ ելույթ ունենալով ՀՅԴ-ի նախընտրական ծրագրի ներկայացմանը:
Նա իր ելույթում փնովեց իշխանություններին և իր անձնական համակրանքը արտահայտեց Դաշնակցության հանդեպ:
Լրագրողների հարցին՝ հնարավո՞ր է, որ անդամագրվի Դաշնակցությանը, Բոստանջյանը պատասխանեց. «Ոչ, ընդհանրապես քաղաքական գործունեությամբ չեմ ուզում զբաղվել»: Իսկ հարցին՝ չի՞ զղջում, որ Դաշնակցությանը չի անդամագրվել, պատասխանեց. «Կյանքում ոչ մի բանի համար չեմ փոշմանում»:
Բոստանջյանն ասաց, որ ԲՀԿ-ում իրեն նկատողություն չեն տվել, միանգամից ցուցակից հանել են, բայց ինքը ոչ միայն նեղացած չէ կուսակցությունից, այլև ուրախ է դրա համար:
