Грузия Online-ի փոխանցմամբ՝ ներկայիս դրությամբ Վրաստանի բանտերում են գտնվում 345 օտարազգի բանտարկյալներ, որոնցից 35-ը կանայք են: Այս մասին հայտարարել է IDFI-ն (Հրապարակավ տեղեկատվության տվյալների բազա):
Վրացական բանտերում պահվող օտարազգիների թվում ամենամեծ ներկայացուցչությունն ունի Ադրբեջանը՝ 72 քաղաքացի: Երկրորդ տեղում Ռուսաստանն է՝ 62 քաղաքացի, իսկ երրորդ տեղում՝ Թուրքիան՝ 53 քաղաքացի: Հայաստանը չորրորդն է՝ 40 քաղաքացի:
Ապա գալիս են Բանգլադեշը՝ 29 քաղաքացի, Իսրայելը՝ 17, Ուկրաինան՝ 14, Իրանը՝ 9, Հունաստանը՝ 8, Ուզբեկստանը՝ 5, Հնդկաստանը՝ 4, Ղազախստանը՝ 4, Կամերունն ու Պակիստանը՝ 3-ական, Մարոկկոն, Ալժիրը, Սիրիան և Ֆրանսիան 2-ական, իսկ Ալբանիան, Բելգիան, Բուլղարիան, Գերմանիան, Կանադան, Կոնգոն, Լիտվան, Նեպալը, Նիդերլանդները, Պաղեստինը, Սոմալն, Տաջիկստանն ու Թունիսը՝ մեկական քաղաքացի: