Վրացական «Ասավալ-դասավալի» թերթին տված հարցազրույցի ժամանակ ընդդիմադիր «Լեյբորիստական» կուսակցության քաղաքական քարտուղար Գեորգի Գուգավան բացահայտել է Ռուսաստանի հետ նոր պատերազմ սկսելու Վրաստանի նախագահ Միխեիլ Սաակաշվիլիի պլանները.
«Իշխանական ղեկին գտնվող բանդան պատրաստ է շարունակել 2008 թվականի սադրանքը, ինչը հանգեցրեց մեր հողերի կորստյանն ու հարյուրավոր մարդկանց սպանությանը: Ուշադրություն դարձրեք վերահսկվող հեռուստաընկերությունների կողմից ռազմաշունչ հռետորիկայի ուժեղացմանը, ռեզերվի և նոր ռազմական տեխնիկայի գովազդին: Սաակաշվիլին պատրաստվում է պատերազմի:
Սաակաշվիլին մտադիր է սադրանք կազմակերպել, որում կներգրավվի ռուսական բանակը: Սաակաշվիլին ինքը կուտակած միլիարդներով ու վտարված նախագահի կարգավիճակով կլքի Վրաստանը: Նա կարծում է, թե դա կհանգեցնի իր հանցագործությունների ներմանը»:
Վրաստանի իշխանությունները դեռ չեն մեկնաբանել այդ մեղադրանքները:
