Hotels.com-ի անցկացրած հարցումների արդյունքները ցույց են տալիս, որ հյուրանոցի բազմաթիվ այցելուներ ինտերնետը գերադասում են անվճար սննդից: Այդ այցելուները կազմում են հարցվածների 40 տոկոսը: Ի դեպ, հարցվածների միայն 25 տոկոսն է նախընտրել անվճար սնունդը:
Ինտերնետ հարցման մասնակիցների 31 տոկոսը կարծում է, որ հյուրանոցներոմ անվճար Wi-Fi-ի առկայությունը պետք է պարտադիր դարձնել: Բազմաթիվ այցելուներ հյուրանոց են գալիս իրենց գաջեթներով, քանի որ դրանք անհրաժեշտ են նրանց` հաջորդ օրը պլանավորելու համար: Հարցվածների միայն 3 տոկոսն է կարևորել ֆիտնես–կենտրոնի առկայությունը հյուրանոցում:
415 հարցվածների 23 տոկոսը պատասխանել է, որ հյուրանոցային համարներում սիրելի զբաղմունքն իրենց iPad-ների օգտագործումն է, իսկ 45 տոկոսը պատասխանել է, որ սիրում է հյուրանոցի բարում գարեջուր վայելել:
Հարցումների ընթացքում պատասխանողների 14 տոկոսը խոստովանել է, որ իր համարից սրբիչներ, իսկ 12 տոկոսը` գրքեր ու ամսագրեր է գողացել: 66 տոկոսը հայտնել է, որ ինքը նման բան չի արել: 37 տոկոսը խոստովանել է, որ երբեք չի օգտվել լոգարանի հեռախոսից:
Ի դեպ, կանայք մեծ ուշադրություն են դարձնում սենյակի կահավորման դիզայներական լուծումներին, ինչը տղամարդկանց այնքան էլ չի հուզում: Հյուրանոցներում տղամարդկանց ավելի շատ հետաքրքրում է մերսման կենտրոնների առկայությունը:
