ՆԳ նախկին նախարար Վանո Սիրադեղյանի թիկնազորի նախկին պետ, պատգամավորության թեկնածու Սուրեն Սիրունյանը, ինքն էլ լինելով ՀՀՇ նախկին անդամ, որոշել է անհատույց կերպով տարածք հատկացնել ՀՀՇ վարչության նախագահ Արամ Մանուկյանին, ով մի քանի օր է՝ անընդհատ բարձրաձայնում է «վերևներից» հատուկ հրահանգավորված շտաբների համար իրեն տարածքներ չտրամադրելու մասին: «Առաջին լրատվական»-ի հետ զրույցում այս մասին ասաց ինքը՝ Սիրունյանը:
Հիշեցնենք, որ ըստ Մանուկյանի՝ ինքը տարածքների վարձակալության հարցում նախապես պայմանավորվում է, համաձայնություն ստանում, բայց երբ գործը հասնում է կոնկրետ քայլերի, տարածքների տերերը հրաժարվում են գործարքից: «Ինձ թվում է, թե հատուկ հրահանգ կա իշխանությունների կողմից` հնարավորինս արգելել ՀԱԿ-ին` շտաբներ բացել»,- մի առիթով ասել է Արամ Մանուկյանը:
