Բրիթնի Սփիրսի հայրը` Ջեմին, միջնորդություն է ներկայացրել դատարան` խնդրելով Բրիթնիի փեսացու Ջեյսոն Թրավիքին ներառել երգչուհու խնամակալների թվում:
Ըստ այդմ` Թրավիքին հանձնարարվել է իրավական վերահսկում իրականացնել իր հարսնացուի բարեկեցության, բայց ոչ` ֆինանսական հարցերի լուծման վրա: Այս մասին տեղեկացնում է Timesofindia-ն` հղում անելով People magazine-ին:
Սովորաբար խնամակալը կարող է որոշումներ կայացնել վերահսկվող անձի սննդի, հագուստի և բժշկական ապահովագրությանը վերաբերող հարցերում: Ինչպես նշում է հոդվածագիրը, խնամակալությունը ձևական բնույթ է կրում, քանի որ Սփիրսի անձնական «ազատությունները» շատ մեծ են:
Երգչուհու հայրը ստիպված եղավ իրավական վերահսկում սահմանել իր դստեր և միլիոնների հասնող նրա ունեցվածքի վրա 2008-ի փետրվարին, երբ երգչուհին գտնվում էր դեպրեսիայի մեջ։
Երգչուհուն «կազատեն» խնամակալներից այն դեպքում, երբ դատարանը համապատասխան որոշում կկայացնի` հիմնված բժիշկների այն եզրակացության վրա, որ փոփ աստղն արդեն ի վիճակի է ինքնուրույն տնօրինել իր գործերը:
