«Ազավադի ազատագրման ազգային շարժման» տուարեգները շարունակում են պնդել, որ ոչ թե իսլամիստները, այլ իրենք են կառավարում Մալիի հյուսիսը և կոչ են անում հումանիտար միջանցք կազմակերպել: Այս մասին հայտարարել է «Ազավադի ազատագրման ազգային շարժման» մամլո քարտուղար Համա Սիդ Ահմեդը:
Մալիում ապստամբած տուարեգները, որոնք դժգոհում են կառավարության կողմից խտրականության ենթարկվելուց, երկրում մարտի 22-ի ռազմական հեղաշրջումից հետո գրավել են Ազավադի գլախավոր քաղաքները: Ուբաթ երեկոյան ԱԱԱՇ հայտարարել էր շրջանի անկախության մասին, բայց աֆրիկյան երկրները և միջազգային հանրությունը հրաժարվել են ճանաչել նրանց անկախությունը:
Մամլո քարտուղարն ընդունել է, որ որոշ քաղաքներ ղեկավարում են իսլամիստները, բայց ապրիլի 6-ի երեկոյան տվյալներով՝ նրանք սկսել են հեռանալ քաղաքներից:
Տուարեգները հույս ունեն պայքարել ահաբեկչության դեմ՝ արևմտյան երկրների հետ միասին: Նրանք պնդում են, որ ոչ մի կապ չունեն Մալիում գործող իսլամիստական «Անսար ադ-Դին» և ««Ալ-Կաիդա»–ն իսլամական Մահրեբի երկրներում» խմբավորումների հետ:
