Մեկ ամերիկյան ու ճապոնական 3 էսկադրոնային ականակիր են ուղղվել ճապոնական հարավային Օկիանավա կղզու ուղղությամբ` հետևելու ԿԺԴՀ-ի արբանյակի արձակմանը: Ինչպես հաղորդում է Interfax գործակալությունը, հղում կատարելով ճապոնական ԶԼՄ-ններին, Ճապոնիայի ինքնապաշտպանության 2 նավ` Kirishima-ն ու Chokai-ն, և ԱՄՆ էսկադրոնային ականակիր Նագասակի պրեֆեկտուրայի տարածքից դուրս են եկել Արևելաչինական ծով: Բացի այդ` Կիոտո պրեֆեկտուրայի նավահանգիստը լքել է ևս մեկ ճապոնական նավը` Maizuru-ն:
Հայտնի է, որ բոլոր էսկադրոնային ականակիրները հագեցած են հակահրթռիային պաշտպանության «Իջիս» համակարգով, որը կարող է խփել հյուսիսկորեական արբանյակը՝ այն դեպքում, եթե այն կամ դրանից մի հատված ընկնի Ճապոնիայի տարածքի վրա:
Մինչ այդ, ինչպես ավելի վաղ հաղորդվել էր, հյուսիսկորեական արբանյակի արձակումը նախատեսված է հաջորդ շաբաթ`ապրիլի 12-14-ին՝ Հյուսիսային Կորեայի հյուսիսում:
Ենթադրվում է, որ արբանյակի «խաղաղ նպատակներով» գործարկումը պետք է իրականացվի Փհենյան-պուկտո նահանգի Չոլսան հատվածի տիեզերակայանից: Այն նվիրվելու է ԿԺԴՀ-ի հիմնադիր Կիմ Իր Սենի ծննդյան 100-ամյակին:
