Նոր խորհրդարանում կցանկանայի տեսնել երիտասարդ բնապահպաններին: Այս մասին «Առաջին լրատվական»-ի հետ զրույցում ասաց «Էկոլուր» ՀԿ–ի նախագահ Ինգա Զառաֆյանը` խոսելով «Ինչքանո՞վ բնապահպանները ներկայացված կլինեն նոր գումարման խորհրդարանում» թեմայի շուրջ: Նա նշեց, որ այս պահին ցուցակների ուսումնասիրման փուլում են, որպեսզի հասկանան, թե ովքեր են ներկայացված և ինչ կարող են փոխել այս բնագավառում: Ուստի այս պահին չկարողացավ ասել, թե բնապահպանության ոլորտում ինչ կարող ենք ակնկալել նոր խորհրդարանում ներգրավված անձանցից:
«Ես նոր գումարման խորհրդարանում կցանկանայի տեսնել երիտասարդ բնապահպաններին, սակայն նրանք ասում են, որ չեն ցանկանա զբաղվել քաղաքականությամբ, իսկ ես հարգում եմ նրանց կարծիքը։ Սակայն նրանք կարող էին խորհրդարանում բնապահպանական խնդիրները բարձրաձայնել»,- մեկնաբանեց Ինգա Զառաֆյանը:
