Մոլոդովայի խորհրդարանը որշել է գլխավոր դատախազությանը հանձնել ազգային անվտանգության հարցերով հանձնաժողովի բոլոր նյութերը՝ կապված Մոլդովայի կողմից լատվիական ընկերության միջոցով Հայաստանին զենք վաճառելու գործում մի շարք խախտումների հետ: Novosti-Moldova գործակալությունը հայտնում է, որ դրա հետևանքով երկիր բյուջեին վնաս չի հասցվել:
Խորհրդարանի պատգամավոր Իգոր Դոդանը հայտարարել է, որ «դա աննորմալ վիճակ է, երբ երկրի գերագույն գլխավոր հրամանատարը և վարչապետը գործարքի մասին իմանում են դրա կնքումից հետո»:
Մեկ այլ պատգամավոր՝ Դումիտրու Դյակովը, հայտարարել է. «Զեկուցողը մեզ հանգստացրել է, որ երկրի բյուջեին վնաս չի հասցվի: Իսկ ինչո՞ւ չի խոսվում մեր պետության քաղաքական պատկերին հասցված վնասի մասին… Ադրբեջանցի մեր գործընկեր- պատգամավորները մեզ հարցնում էին, թե ինչպես կարձագանքի Մոլդովան, եթե Ադրբեջանը զենք վաճառի Մերձդնեստրին»,- ասել է Դյակովը:
Անցյալ տարվա սեպտեմբերին Իլ-76 ինքնաթիռով Լիտվայից Մոլդովա տեղափոխվեց Ազգային բանակին պատկանող զինամթերքի խմբաքանակ: Այնուհետև դա տեղափոխվեց Հայաստան: Մոլդովայի պաշտպանության նախարար Վիտալիե Մարինուցայի խոսքերով՝ մեկ այլ երկրի զենք վաճառելու փաստն ինքնին օրինական է և համապատասխանում է բոլոր միջազգային նորմերին: Նրա խոսքերով՝ գործարքի հիմնական նպատակը եղել է «ժամկետանց զինամթերքից և հնացած ռազմական տեխնիկայից» ազատվելը:
«Մեր երկրում դրանց ոչնչացումը շատ թանկ է նստում, նաև հաշվի է առնվում տնտեսական շահը: Մոլոդովայում մենք չենք կարող կրկնակի ոչնչացնել և քանդել այն: Այլ երկրներ նման հնարավորություն ունեն»,- ասել էր Մարինուցան: Նրա կարծիքով՝ «Մոլդովան միայն շահել է զինամթերքի վաճառից»:
Սակայն ավելի ուշ պարզվեց, որ բեռների տեղափոխման ժամանակ ներկա չի գտնվել ոչ մի միջազգային դիտորդ: Ավելին, Մարինուցան չի կարողացել պատասխանել այն հարցին, թե ով է վերջնական որոշում կայացրել զենքի խմբաքանակի վաճառքի հարցով:
