Գերմանիայի կանցլեր Անգելա Մերկելի 22-ամյա Volkswagen Golf-ը, որը նա վարել է 90-ականների սկզբներին, վաճառվում է համացանցային աճուրդում, սկզբնական գինը՝ 10 հզ. դոլար:
Վաճառքի մասին հայտարարությունը պատմական է համարվում: Համաձայն տեղեկությունների՝ ավտոմեքենան Մերկելի սեփականությունն է եղել 1990-1995 թթ. ընթացքում, դրանից հետո մեքենայի վարորդ է դարձել Մերկելի ամուսինը, իսկ 1996 թ. ավտոմեքենան վաճառել են:
Ներկայիս սեփականատերը գնման մասին առաջարկները ստանում է էլեկտրոնային փոստի միջոցով, իսկ նրա անունը հայտնի չէ:
Որպես ապացույց՝ կայքում տեղադրված է եղել մեքենայի վկայականը, որտեղ Մերկելի ստորագրությունն է: Լրատվամիջոցները նշում են, որ հասցեն համապատասխանում է Մերկելի բնակության հասցեին:
Կանցլերի սերը հենց այս ավտոմեքենաների նկատմամբ երևում է մինչ օրս: Նրա ընտանիքում այժ կա Volkswagen Golf մակնիշի ավտոմեքենա, իսկ կանցլերն անձամբ երթևեկում է Audi մակնիշի ավտոմեքենայով:
