Թուրքիայի նախագահ Աբդուլլահ Գյուլը չի բացառել, որ Իրանի միջուկային ծրագրի շուրջ ծագած խնդիրները կարող են վերածվել ռազմական կոնֆլիկտի:
Հավանականություն կա, որ լարվածությունը, որի օջախը գտնվում է Իրանի միջուկային ծրագրի շրջանակներում, ավելի կմեծանա»,- ասել է Գյուլը՝ հանդես գալով Ստամբուլում՝ Թուրքիայի զինված ուրժերի ակադեմիայում։
Թուրքիայի նախագահը, գնահատելով իրադրությունը տարածաշրջանում, նշել է, որ ռազմական կոնֆլիկտի դեպքում կստեղծվի քաոսային իրավիճակ:
«Նման պայմաններում Թուրքիան չի կարող իրադարձություններին հեռվից հետևել, այդ պատճառով դիվանագիտական ակտիվությունը և ռազմական նախապատրաստությունները Թուրքիայի համար ընտրություն չէ, այլ անհրաժեշտություն»,- հայտարարել է նախագահը:
Նշենք, որ Իրանի հանդեպ ներկայումս գործում են ՄԱԿ ԱԽ-ի չորս բանաձևեր, որոնք պատժամիջոցներ են սահմանում:
Ավելի վաղ հայտնի էր դարձել, որ Իրանի և «Վեցնյակ»–ի հանդիպումը տեղի կունենա Ստամբուլում՝ ապրիլի 13-14-ը: Սակայն չորեքշաբթի օրը Irna գործակալությունը հայտարարել էր, որ հանդիպումը հնարավոր է տեղի ունենա Դամասկոսում: Թուրքական ԶԼՄ-ներն իրենց հերթին, որպես հանդիպման հավանական վայր, անվանել էին Բաղդադը:
