Գերմանիայի հյուսիսում՝ կալիում արդյունահանող Զիգմունդսխալ հանքում ջրածնային սուլֆատի արտահոսքը 28 հանքափորների թունավորման պատճառ է դարձել: Նրանցից մեկը մահացել է, մյուսները՝ հոսպիտալացվել: Հանքափորները ինքնուրույն են դուրս եկել հանքից: Տուժածներից երկուսի վիճակը բժիշկները ծանր են գնահատում:
Դեպքը տեղի է ունեցել ապրիլի 4-ի երեկոյան: Այդ ժամանակ հանքափորներն աշխատում էին 1200 մետր խորության վրա: Հանքը շահագործող K+S ընկերության ներկայացուցչի խոսքով՝ այսօր դեպքի վայրում ուսումնասիրություններ կանցկացնեն լեռնարդյունահանման հարցերով շրջանային գերատեսչության փորձագետները: Ուսումնասիրությունները կանցկացվեն հանքում գազի քանակության նվազեցումից հետո: Նման միջադեպ հանքում առաջին անգամ է տեղի ունենում:
Հանքը հանդիսանում է կալիում արդյունահանող վերջին գործող հանքը Ներքին Սաքսոնիայում: Այնտեղ 770 մարդ է աշխատում:
