«Սանդիա» ազգային լաբորատորիայի ամերիկացի գիտնականները ժամանակավորապես սառեցրել են անօդաչու թռչող սարքերի (ԱԹՍ) նոր սերնդի ինքնաթիռների մշակման աշխատանքները, որոնք պետք է աշխատեն ատոմային էներգիայով: Այս մասին հաղորդում է բրիտանական The Guardian պարբերականը:
ԱՄՆ-ում մտավախություն ունեն, որ միջազգային հանրությունը չի ընդունի այդքան վտանգավոր տեխնոլոգիայի կիրառումը անօդաչու թռչող սարքերում, քանի որ միջուկային ԱԹՍ-ի կործանումը կդառնա տարածաշրջանային աղետ:
Բացի այդ` վտանգ կա, որ ԱԹՍ-ում օգտագործվող միջուկային տեխնոլոգիաները կարող են ընկնել ահաբեկիչների ձեռքը: Այս մասին հայտնում է Interfax գործակալությունը:
Դրա հետ միասին, այդպիսի թռչող սարքերի օգտագործումը (նոր տեխնոլոգիաների կիրառմամբ) զինվորականների կողմից թույլ կտա լուծել երեք հիմնական խնդիր, որ բնորոշ է ներկայիս ԱԹՍ-ներին` թռիչքի անբավարար շարունակականություն, սահմանափակ էլեկտրական հզորություն և հաղորդակցության անբավարար անցունակություն:
Ատոմային էներգիայի օգտագործումը թույլ կտա մասնավորապես մեծացնել ԱՍԹ-ների թռիչքի տևողությունը մի քանի օրից մինչև մի քանի ամիս,- պնդում են գիտնականները: