Պանդաները հայտնի են իրենց ամաչկոտությամբ, և հաշվի առնելով այն փաստը, որ նրանք զույգավորվում են տարվա մեջ միայն մեկ անգամ, կարելի է ասել, որ նոր պանդաների ծնունդը բավական բարդ խնդիր է:
Daily Mail-ը գրում է, որ Մեծ Բրիտանիայում այժմ ապրող պանդաներին ներկայացրել են միմյանց այն բանից հետո, երբ փորձագետները հաստատել են, որ իգական սեռի կենդանին պատրաստ է զույգավորմանը: Սակայն կենդանիներին միևնույն վանդակում չեն պահում:
Էդինբուրգի կենդանաբանական այգու աշխատակիցներն ասում են, որ իրենք ստեղծել են, այսպես կոչված, «սիրո թունել» Յանգ Գուանգ և Թիան–թիան անունով պանդաների միջև: Կենդանիները միմյանց հետ «ծանոթացել են» այսօր առավոտյան, և նրանք կրկին միասին կլինեն ավելի ուշ: Էդինբուրգի կենդանաբանական այգին պատրաստվում է պանդաների զույգավորումը և պանդայի ծննդաբերությունը ցուցադրել համացանցում:
Հիշեցնենք, որ կենդանիները Չինաստանից Շոտլանդիա էին ժամանալ անցած տարվա դեկտեմբերի 4-ին: Նրանք առաջին անգամ հետաքրքրասեր հանրությանը ներկայացել էին դեկտեմբերի 16-ին: Կենդանաբանական այգին հաղորդել է, որ ծննդաբերությունն, ամենայն հավանականությամբ, կհեռարձակվի ուղիղ եթերում:
