Մեծ Բրիտանիայում երկրի կառավարությունից պահանջում են հրապարակել այն ռուսների անունները, որոնք կասկածվում են «կետային սպանություններին» առնչություն ունենալու մեջ: Այս մասին հայտնում է Independent-ը:
«Այս կոչերը հնչում են ռուս բանկիր Գորբունցովի վրա վերջերս կատարված մահափորձից հետո, որը պետք է վկայություն տար դատարանում սպանության մասին գործի շրջանակներում, նաև՝ երբ պարզ դարձավ, որ վարձու մարդասպանը, որն ուղարկվել էր չեչեն հայտնի այլախոհին սպանելու համար, դատարանում հաջողությամբ վիճարկել է իրեն արտաքսելու մասին որոշումը»,- պարզաբանում է թերթի լրագրող Ջերոմ Թեյլորը:
«Միայն հրապարակավ անվանելով անվտանգության համակարգի ռուս պաշտոնյաների անունները` գործող կամ պաշտոնաթող, Բրիտանիան Օլիմպիադայի նախօրեին կարող է ասել, որ մեր գլխավոր քաղաքը «Լոնդոնգրադը» չէ, և ռուս մարդասպանները պետք է հեռու մնան այստեղից ու դադարեն հարձակումները բրիտանական ընկերությունների վրա»,- թերթի հետ զրույցում ասել է Համայնքների պալատի պատգամավոր Դենիս Մակշեյնը:
Նրա կարծիքով` միայն այդ ազդանշանը կհասկացվի «ռուսականանվտանգության պետության ու բիզնեսի» կողմից, որը սիրում է այստեղ անշարժ գույք ձեռք բերել, սովորեցնել մասնավոր դպրոցներում իրենց երեխաներին և օգտվել Լոնդոնի հայտնի իրավաբանների ծառայություններից գործարքների կնքման ժամանակ:
