2012թ. ապրիլի 5-ին Նյու Յորքի հարավային շրջանի Դաշնային դատարանը, ինչպես ենթադրվում է, ռուս գործարար Վիկտոր Բուտի գործով վերջնական որոշում կկայացնի: Վերջինս մեղադրվում է զենքի անօրիանական առևտրի ու ահաբեկչական խմբավորամանն օգնելու մեջ: Այս մասին հայտնում է ITAR TASS-ը:
Վիկտոր Բուտը ծնվել է 1967թ. Դուշանբեում: Ավարտել է Մոսկվայի օտար լեզուների ռազմական ինստիտուտը, որտեղ որպես հիմնական լեզու, սովորել է պորտուգալերեն: 1989-1991թթ. որպես թարգմանիչ է աշխատել ռազմա-տրանսպորտային ավիացիայում, բազմիցս թռիչքներ է կատարել դեպի Անգոլա ու այլ աֆրիկյան պետություններ:
1992թ. մեկնել է ՀԱՀ, որտեղ զբաղվել է ավիատրանսպորտային ավիափոխադրումների կազմակերպմամբ, 1995թ. տեղափոխվել է Բելգիա, ապա ԱՄԷ` մնալով ՌԴ քաղաքացի: Աշխատել է մի շարք ավիաընկերություններում:
ԶԼՄ-ներում առաջին տեղեկությունն այն մասին, որ Բուտի բիզնեսը ներառում է զենքի առևտրի անօրինական առևտուր այն երկրներում, որտեղ գործում է միջազգային էմբարգոն, հայտնվել է 1990-ականներին: Նշվում էր, որ դրանք գնում են Աֆղանստանի, Անգոլայի. Տոգոյի, Ռուանդայի, Լիբերիայի, Սիեռա-Լեոնեի կառավարությունն ու ահաբեկչական խմբավորումները, ինչպիսք են՝ «Թալիբանն» ու «Ալ-Քաիդան»: Նրա անունը հիշատակվել է` կապված զենքի անօրինական առաքման գործում ՄԱԿ-ի ԱԽ-ի 2000թ., Amnesty International կազմակերպության 2005-2006թթ, ԱՄՆ պետդեպարտամենտի հաշվետվություններում:
2002թ. ՄԱԿ-ը նրա անունը ներառեց իր «սև ցուցակի» մեջ, 2005-ին սառեցրեց նրա ու նրա հետ առնչվող անձանց հաշիվները:
Բուտը 2008թ. մարտի 6-ին կալանավորվել է Բանգկոկում (Թաիլանդ): Այն կատարվել է ԱՄՆ կառավարության խնդրանքով թաիլանդական դատարանի որոշմամբ:
2008թ. մայիսի 6-ին ԱՄՆ-ը պաշտոնապես մեղադրանք առաջադրեց նրա դեմ ` մեղադրելով կոլումբական ահաբեկչական խմբավորումներին զենքի անօրինական վաճառքի մեջ:
2010թ. օգոստոսին Թաիլանդի դատարանը նրան արտահանձնեց ԱՄՆ-ին, որտեղ տեղափոխվեց 2010թ. նոյեմբերի 6-ին: Հիշեցնենք, որ 2012թ. մարտի 30-ին Նյու Յորքի դատարանին դատախազները միջնորդեցին Բուտին դատապարտել ցմահ բանտարկության: Բուտի պաշտպանները փորձում են հասնել նրա անմեղության հաստատմանը:
Մեղադրական եզրակացության դեպքում նրան կսպառնա մինչև 25 տարվա ազատազրկում: Վիկտոր Բուտը իրեն մեղավոր չի համարում:
.