LifeLineLive-ի թղթակիցները փորձել են պարզել, թե արդյոք Apple ընկերության համահիմնադիր Սթիվ Վոզնյակն ինչ կարծիքի է այն մասին, որ դերասան Էշթոն Քեթչերը Jobs ֆիլմում պատրաստվում է կատարել Սթիվ Ջոբսի դերը:
Պարզվում է, որ նրան գաղափարը դուր է եկել: Իր հայտարարության մեջ Վոզնյակն ասել է, որ կարծում է՝ սա կլինի «մի հիանալի և հայտնի ֆիլմ» Նա հույս է հայտնել, որ այն կլինի հնարավորինս ճշմարիտ:
Իսկ Քեթչերի մասին նա ասել է, որ շատերը կարծում են, թե դերասանն ընտրվել է, քանի որ այժմ մեծ ժողովրդականություն է վայելում, բայց ինքը կարծում է, որ ընտրությունը կատարվել է պրոֆեսիոնալ եղանակով: Վոզնյակն ավելացրել է, որ ուրախ է, որ Քեթչերն ընտրվել է, քանի որ «նա կարող է նույնքան հիանալի լինել, որքան Սթիվ Ջոբսը»:
Վերջում Apple-ի համահիմնադիրն ափսոսանք է հայտնել, որ Ջոբսը մահացել է, քանի որ նա կարող էր շատ օգնել ֆիլմի ստեղծմանը:
