«Maariv»-ի կողմից հրապարակված նոր հարցումը ցույց է տալիս, որ եթե Բենյամին Նեթանյահուն լքի «Լիկուդ» կուսակցությունը և ընտրություններին մասնակցի սեփական քաղաքական ուժով, նա կարող է ստանալ 16 մանդատ, մինչդեռ «Լիկուդը» առանց նրա՝ ընդամենը 7:
Հետաքրքրական է, որ նրանց միասնական մանդատների թիվը (23) գերազանցում է կուսակցության ներկայիս կանխատեսվող արդյունքը (21), սակայն այս պառակտումը կթուլացնի իշխող կոալիցիան՝ այն հասցնելով 49 մանդատի, մինչդեռ ընդդիմությունը կունենա 60-ը:
Հարցումը նաև փաստում է, որ ընդդիմադիր և արաբական կուսակցությունների կողմնակիցներն ավելի վճռական են տրամադրված մասնակցելու ընտրություններին (80-82%), քան իշխող կոալիցիայի աջակիցները (72%):
Միաժամանակ, հարցվածների ճնշող մեծամասնությունը թերահավատորեն է վերաբերվում ընտրություններից հետո իշխող և ընդդիմադիր ուժերի համախմբման հնարավորությանը:
Ընթացիկ վարկանիշներով՝ առաջատարներն են Գադի Այզենկոտի «Յաշար»-ը (20 մանդատ) և Բենեթի ու Լապիդի «Միասին»-ը (19 մանդատ), իսկ «Լիկուդը» ներկայումս ունի 21 մանդատ:
