Ադրբեջանական Trend լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովը Բաքվում լրագրողների հետ զրույցում մեկնաբանել է ամերիկյան Foreign Policy ամսագրի տարածած տեղեկատվությունը, թե Ադրբեջանն Իրանի սահմանին մոտ ընկած իր օդանավակայանը դրել է Իսրայելի տրամադրության տակ.
«Ադրբեջանը երբեք չի աջակցի այն նախաձեռնություններին ու առաջարկներին, որոնք կարող են վնաս հասցնել Իրանի հետ հարաբերություններին: Ադրբեջանի և Իրանի միջև առկա են բարիդրացիական հարաբերություններ, ինչն ամրագրված է Ադրբեջանի, Թուրքիայի ու Իրանի արտգործնախարարների նախիջևանյան հայտարարության մեջ»:
Հիշեցնենք, որ այսօր Foreign Policy-ի տարածած տեղեկատվության հերքմամբ հանդես է եկել նաև Ադրբեջանի պաշտպանության նախարարությունը:
