Հատված Հոկտեմբերի 27-ի քրեական գործով ԱԺ պատգամավոր Խաչատուր Սուքիասյանի ցուցմունքից:
«… Հարց ու պատասխանի ժամանակ, ժամը չեմ հիշում կոնկրետ, բայց 17-ն անց էր, մի քանի րոպե լսվեց բարձրաձայն հայհոյանքների ձայն ու կրակոցներ: Հայհոյանքներն ուղղված էին վարչապետի հասցեին և կրակոցներ լսվեցին: Ես մտածեցի, որ այդ կրակոցներն ուղղված էին վարչապետին… մտածեցի, որ փախնել է պետք ու անմիջապես արագ քայլերով դուրս եկա իմ մուտքի դռնից դեպի փոքր նախասրահ և մեծ աստիճաններով իջել եմ դեպի ներքև, խնդրեցի տանել այլ աշխատասենյակ, որտեղ պատուհանը ցանցապատ չէ… ցատկեցի ու գնացի դեպի ինչ-որ տանիքի վրայով… անմիջապես գնացի տուն, քանի որ շորերս ու կոշիկներս ցեխոտ ու կեղտոտ էին:
/հատոր 9, գ.թ. 139-140/
