«Ակնհայտ է, որ Nabucco նախագիծը Եվրոպայում և Կովկասում ամենաբարձր մակարդակի քաղաքական աջակցություն ունի, իսկ ֆինանսական կողմը, վերջ ի վերջո, լուծելի է»,- հայտարարել է «Տրանսկասպյան նախաձեռնությունների» հիմնադիր և վաշինգտոնյան «Ատլանտյան խորհուրդ» կազմակերպության փորձագետ Բորուտ Գրգիչը: Նրա կարծիքով, Ադրբեջանի էներգետիկ քաղաքականությունը չի կարող վնասել երկրի և Արևմուտքի միջև էներգետիկ համագործակցությանը: Nabucco-ից բացի ադրբեջանական գազը Եվրոպա առաքելու մի քանի այլ տարբերակներ կան, որոնք սակայն, փորձագետի կարծիքով, ֆինանսապես ավելի ծանր կարող են լինել: Գրգիչը կարծում է, որ տրանսկասպյան նախագծի իրականացման դեպքում Ադրբեջանը, գազի ուղղակի առաքող լինելուց զատ, կդառնա նաև խոշոր տրանզիտային հանգույց: