Ռուսական ВЗГЛЯД թերթի փոխանցմամբ՝ Վրաստանի նախկին նախագահական թեկնածու Լևան Գաչեչիլաձեն, Վրաստանի հակամարտությունների կարգավորման հարցերով նախկին նախարար Գեորգի Խաինդրավան, պաշտպանության նախկին նախարար Գեորգի Կարկարաշվիլին և այլ ընդդիմադիրներ միավորվել են «Ընտրողների լիգայի» մեջ:
Վերջինս իր առջև նպատակ է դրել նպաստել աշնանը կայանալիք արդար և թափանցիկ խորհրդարանական ընտրությունների անցկացմանը: «Ընտրողների լիգայի» հիմնադիրներից Կոնստանտին Գունցաձեն հայտարարել է, որ տվյալ հասարակական կազմակերպության մեջ են մտել և կմտնեն ոչ քիչ թվով հայտնի ընդդիմադիր և հասարակական գործիչներ:
Գունցաձեն հավելել է, որ իրենք պետք է օգնեն ընտրողներին՝ հաղթահարելու իշխանությունների հանդեպ տածած վախը՝ ընդգծելով, որ իրենք իրականացնելու են նաև ընտրությունների դիտարկում:
