Կիրակի գիշերը Եվրոպական տիեզերական գործակալության ATV-3 «Էդուարդո Ամալդի» տիեզերանավի օգնությամբ Միջազգային տիեզերական կայանի (ՄՏԿ) ուղեծիրը բարձրացվել է մոտ 1.7 կմ-ով,- հաղորդում է ИТАР-ТАСС-ը:
Բեռնատար շարժիչներն աշխատել են 411 վայրկյան: Կայանի կողմնորոշումը տարածության մեջ ապահովել են «Պրոգրես M-14M» բեռնատար նավի և «Աստղ» ծառայողական մոդուլի շարժիչները: Այժմ ՄՏԿ-ի ուղեծրի միջին բարձրությունը կազմում է 389.8 կմ:
Հիշեցնենք, որ «Էդուարդո Ամալդի» տիեզերանավը մեկնարկել է Կուրու Գվիանայի տիեզերական կենտրոնից մարտի 23-ին:
Եվրոպական բեռնատար տիեզերանավը ՄՏԿ է հասցրել մոտ 6.6 տոննա բեռ անձնակազմի և կայանի կարիքների համար:
ATV-3 բեռնատար տիեզերանավը «Էդուարդո Ամալդի» անունը ստացել է ի պատիվ իտալացի ֆիզիկոսի։
