Ռուսաստանում ԱՄՆ դեսպան Մայքլ Մակֆոլը բացատրել է, որ լեզվի սայթաքում է թույլ տվել, երբ այդ մասին ասել է НТВ-ի լրոգրողներ ներկայացած տեսախցիկով զինված համառ մարդկանց, թե իբր «Ռուսաստանը վայրի երկիր է»: Այս մասին հայտնում է BBC-ն:
«Ես լեզվի սայթաքում եմ թույլ տվել վատ ռուսերենով: Ես նկատի չունեի «վայրի երկիրը», այլ ուզում էի ասել, որ НТВ-ի գործողություններն են վայրի: Ես շատ եմ հարգում Ռուսաստանը»,- Twitter-ի իր միկրոբլոգում գրել է ամերիկացի դեսպանը:
Նախօրեին դեսպանին, որը հանդիպման էր գնացել «Հանուն մարդու իրավունքների» շարժման առաջնորդի հետ, մոտեցել էին երիտասարդ մարդիկ:
Մի քանի րոպե նրանք համառորեն հարցեր էին տվել այն մասին, թե ինչ է պատրաստվում քննարկել իրավապաշտպանների հետ:
Դեպքը տեղի էր ունեցել փողոցում, մեքենայից դուրս եկած դեսպանը եղել էր առանց վերնահագուստի: Մայքլ Մակքֆոլը լրագրողների արարքը որակել էր որպես Վիեննայի կոնվենցիայի դիվանագիտական հարաբերությունների խախտում:
Նա հայտարարել էր. «Չի կարող լինել մեզ մոտ` Անգլիայում, Գերմանիայում, Չինաստանում, նման բան: Միայն այստեղ ու միայն ձեզ հետ»:
