Business-Грузия-ի փոխանցմամբ՝ մարտի 23-ին Վրաստանն ու ԱՄՆ-ը նշեցին իրենց գործընկերության 20-ամյակը: Այդ կապակցությամբ Վրաստանում ԱՄՆ դեսպան Ջոն Բասսը հայտարարել է, որ ամերիկացիները հպարտ են Վրաստանի զարգացման հարցում ունեցած ներդրման համար.
«Դեսպանատան հաշվարկներով՝ անցած 20 տարիներին ԱՄՆ Խաղաղության կորպուսի հարյուրավոր կամավորներ ծառայել են Վրաստանում: ԱՄՆ կառավարության ֆինանսավորմամբ ԱՄՆ-ում կրթություն է ստացել ավելի քան 5000 վրացի ուսանող: 20 տարում ԱՄՆ-ը Վրաստանին հատկացրել է 3 միլիարդ դոլարի օգնություն:
Այդ ժամանակահատվածում զգալիորեն աճել է երկկողմանի առևտուրը: Միայն վերջին 10 տարիներին ԱՄՆ-ի և Վրաստանի միջև ապրանքաշրջանառությունը գերազանցել է 2.2 միլիարդ դոլարի սահմանագիծը»:
